Британските педијатри сакаат да забранат шамарaње на децата: „Никогаш не е прифатливо“

На меѓународно ниво, 65 земји воведоа целосна забрана за физичко казнување на децата, а уште 27 се обврзаа да ги реформираат своите закони за да постигнат целосна законска забрана.

85

Законите мора да се променат за да се осигура дека удирањето дете не се смета за прифатливо под никакви околности, вели Кралскиот колеџ за педијатрија и детско здравје (RCPCH).

Имено, во март 2022 година, Велс забрани секаков вид телесно казнување, вклучително и шлаканици, удирање и тресење, додека Шкотска воведе слична забрана уште во ноември 2020 година. Од друга страна, законите во Англија и Северна Ирска имаат т.н. сиви зони, што значи дека во некои случаи телесното казнување на децата може да се смета за прифатливо. RCPCH бара ова да се промени.

„Децата кои доживуваат телесно казнување имаат речиси три пати поголеми шанси да развијат полошо ментално здравје и повеќе од двојно поголема веројатност дека ќе доживеат сериозен физички напад и злоупотреба. Телесното казнување, исто така, ја зголемува веројатноста за проблеми во однесувањето во детството, полоши односи со родителите и семејството и појава на агресија подоцна во животот“, објаснуваат педијатрите.

На меѓународно ниво, 65 земји воведоа целосна забрана за физичко казнување на децата, а уште 27 се обврзаа да ги реформираат своите закони за да постигнат целосна законска забрана.

Двајца од тројца возрасни веруваат дека физичкото казнување на децата е неприфатливо
„Законите за физичко казнување во Англија и Северна Ирска се неправедни и опасно нејасни. Тие создаваат сива зона каде што некои форми на физичко казнување можат да бидат законити, но не се“, рекол професорот Ендрју Роланд, педијатар и службеник за заштита на децата во RCPCH.

Роуланд вели дека педијатарот кој работи во службите за заштита на децата редовно наидува на ситуации кога се тврди дека е употребено физичко казнување врз дете.

„Поради нејасната природа на законот, многу е тешко да се разговара со семејствата за тоа какви се правилата во однос на физичкото казнување на децата, што го отежнува разговорот за најдобриот интерес на децата“, додал тој.

Според професорот Роуланд, ставовите на општеството за казнувањето се промениле со текот на времето и двајца од тројца возрасни сега се согласуваат дека физичкото казнување на децата е неприфатливо.

Повеќе