Има добра причина зошто би можеле да се додадат кикиритки во исхраната на малите деца
Вклучувањето на кикиритките во исхраната на малите деца би можело да помогне да се спречат алергии на мешунките, кои можат да бидат смртоносни и ги погодуваат младите ширум светот, покажало ново истражување.
Истражувачите откриле дека воведувањето производи од кикиритки во исхраната на бебињата и доенчињата и постепеното зголемување на изложеноста довело до поголема толеранција кон овој вообичаен алерген.
Рецензирана студија, објавена во списанието Lancet, опфатила 146 деца алергични на кикиритки на возраст од нула до три години во текот на две и пол години. 96 од нив добивале протеински прав од кикиритки секој ден, а дозата постепено се зголемувала до доза што одговара на консумирање на шест кикиритки. Други деца добиле плацебо од овесно брашно.
Дваесет деца кои примиле прав од кикиритки покажале ремисија на алергијата, што значи дека алергиската реакција не се појавила шест месеци по завршувањето на терапијата. Едно дете во плацебо групата покажало ремисија. Шест месеци по третманот, децата во ремисија можеле да толерираат доза која одговара на 16 кикиритки.
Дополнителни 20 деца кои добиле прав од кикиритки се сметале за „десензибилизирани“, што значи дека имале повисок алергиски праг, но не се сметало дека се во ремисија. Овие деца можеле да толерираат доза што одговара на количина од шест до 12 кикиритки шест месеци по завршувањето на третманот. Најмалите деца во студијата најчесто доживеале ремисија, а најдобри резултати биле во групата помлади од 12 месеци.
„Многу раните интервенции можат да дадат најдобра можност за постигнување ремисија“, рекол коавторот на студијата Стејси Џонс.
Според студијата, алергијата на кикиритки влијае на два отсто од децата во западните земји и може да трае цел живот. Заболените деца мора да избегнуваат да јадат кикиритки и да имаат на располагање адреналин што можат да си го вбризгаат во борбата против алергиските шокови, кои можат да бидат фатални доколку случајно се изложени на кикиритки. Изложеноста може да се случи дури и кога детето прегрнува некој што штотуку јадел кикиритки.
„Нема можност за лекување што резултира со значително оптоварување на алергичните деца и нивните стратели за да се избегне случајна изложеност“, рекол коавторот Весли Буркс, додавајќи: „Во тешки случаи, ова може да ги ограничи слободите на децата алергични на кикиритки, особено кога се работи за престој во градинки или училишта и јавни места каде што е загрозен пристапот до безбедна исхрана“.
Студијата била спроведена под строг лекарски надзор, а во текот на студијата биле дадени адреналински инјекции на 21 дете.