Психијатарката Ким Сејџ предупреди на Тик-Ток за новиот стил на воспитување кој се нарекува родителство во лушпа од јајце.
„Во сржта на овој емоционално несигурен стил на воспитување е вистинската емоционална загрозеност. Тоа го става детето во позиција каде што секогаш мора да биде претерано внимателно околу тоа што може да се случи“, објаснува д-р Сејџ.
Психијатарот Зишан Кан објаснува за списанието Parents дека овој стил на родителство е сè попопуларен на Тик-Ток, но многумина не се свесни дека тој не е нешто што се учи.
„Оној што го следи родителството во лушпа од јајце, тој е едноставно таков“, вели тој.
Главната карактеристика на овој стил е непредвидливоста
Психотерапевтката Ана Хиндел дава пример за родител во лушпа од јајце.
„Кога родителот има нестабилно расположение, испади и неконзистентно однесување, неговите деца шетаат околу него како по лушпи од јајца. Затоа и се нарекува така”, објаснува Хиндел и наведува дека главната карактеристика на овој стил е непредвидливоста.
„Вообичаено е некои родители брзо да го менуваат расположението. Најекстремните форми на родителство во лушпи од јајца вклучуваат сериозно психичко злоставување кое може да предизвика промена на улогите помеѓу родителот и детето. Детето се чувствува одговорно за своите родители и се обвинува себеси кога работите не одат по желба на родителите“, додава таа.
Родителите кои го практикуваат овој стил веројатно пораснале во нестабилна средина и не научиле да се справуваат со непријатните чувства. Ако родителите не ги решат своите минати прашања кои предизвикуваат нестабилност во сегашноста, нивните реакции влијаат на сите околу нив, вклучувајќи ги и децата.
Терапијата може да помогне
Според Хиндел, родителството со лушпа од јајце може да доведе до долгорочни тешкотии за детето, вклучувајќи анксиозност, депресија и нестабилно расположение. Поради оваа причина, советуваат психијатрите, најдобро е да побарате стручна помош од терапевт. Некои тактики кои можат да помогнат се когнитивна бихејвиорална терапија, психодинамичка психотерапија и интерперсонална терапија.