Што треба да знае секој маж за здравјето на простатата?

Простатата е мала жлезда која игра голема улога за здравјето на мажите, особено по влегувањето во зрелите години.

Како што стареат, мажите стануваат поподложни на проблеми со простатата, што може да влијае на квалитетот на нивниот живот, пренесува Health Hero.

Правилната грижа за простатата и уринарниот систем не е само прашање на превенција на болести, туку и на зачувување на долгорочна виталност.

Ви пренесуваме клучни информации и совети кои секој маж треба да ги знае за да го одржи своето здравје без разлика на возраста.

Редовни прегледи – клуч за превенција

Според Cleveland Clinic еден од најважните чекори кон здравјето на простатата се редовните прегледи.

По 50-тата година, мажите треба да прават преглед на простата еднаш годишно, додека оние со семејна историја на заболување на простатата треба да почнат порано со скрининг.

PSA тестот (простата специфичен антиген) е едноставен тест на крвта кој може да открие рани промени во простатата и да помогне во откривање на можни проблеми во рана фаза.

Улогата на исхраната и додатоците во исхраната за здравјето на простатата

Здравата исхрана може да има големо влијание врз здравјето на простатата. Според исхраната за рак на простата, се препорачува избегнување на заситени масти и црвено месо, додека приоритет треба да биде внесувањето на зеленчук, овошје и цели зрна.

Покрај исхраната, постојат додатоци во исхраната кои дополнително можат да го поддржат здравјето на простатата, но и на целиот уринарен систем и имунитет.

Вежбање – чувар на здравјето на уринарниот систем
Редовната физичка активност не само што влијае на целокупното здравје, туку може да има и позитивни ефекти врз простатата. Вежбањето ја подобрува циркулацијата и може да го намали воспалението. Се препорачува дневна умерена физичка активност како што се пешачење, возење велосипед или вежби за јакнење.

Избегнување на пушењето и намалување на алкохолот

Пушењето и прекумерното консумирање алкохол се поврзани со поголем ризик од развој на разни здравствени проблеми, вклучително и проблеми со простатата, според Health Hero.

Пушењето може негативно да влијае на крвните садови и да придонесе за проблеми со уринарниот систем, додека алкохолот може да предизвика иритација на мочниот меур и да ги влоши симптомите поврзани со простатата.

Внимавајте на знаците и симптомите
Според Health Hero, важно е да знаете како да ги препознаете раните знаци на проблеми со простатата, како што се:

често мокрење
чувство на нецелосно празнење на мочниот меур
послаб проток на урина
потреба за мокрење во текот на ноќта.
Ако забележите некој од овие симптоми, важно е да се консултирате со лекар за да ја одредите соодветната дијагноза и третман.

Управување со стресот
Високото ниво на стрес може да придонесе за хормонални промени кои влијаат на здравјето на простатата. Техники како што се медитација, вежби за дишење, прошетки во природа или практикување хоби може да помогнат да се намали стресот.

Намалувањето на стресот позитивно влијае на имунолошкиот систем и хормоналната рамнотежа, што дополнително го поддржува здравјето на простатата.