Смислата за хумор се развива после првиот месец од животот

Мислите дека сте смешни? Новороденчињата не мислат така – барем не додека не достигнат околу еден месец.

Можеби нема ништо порадосно во овој живот од смеата на децата – што ја прави новата студија објавена во списанието Behavior Research Methods уште порелевантна за повеќето од нас кои не можат, а да не гугаат и да се кикотат заедно со збунетите бебиња.

Психолошките истражувачи се надеваат дека нивната студија може да се искористи за информирање на дијагностички алатки за откривање на развојните разлики меѓу децата.

Меѓународното истражување за раниот хумор, спроведено од истражувачите од Универзитетот во Бристол во Велика Британија, опфатило 671 дете на возраст од 0 до 47 месеци, во обид да се утврди како се развива хуморот додека децата растат.

Нивната работа идентификувала 21 различен тип на хумор низ возраста, при што 1 месец е најраната возраст на децата на која е забележано дека го ценат хуморот. Околу 50% ја достигнале оваа точка на околу 2 месеци. Спротивно на тоа, околу 50% од децата почнале да прават сопствени шеги на возраст од 11 месеци – и тоа често, барем на секои три часа или така некако, додека биле во контакт со други.

Бебињата помлади од 12 месеци најмногу реагирале на физичкиот, визуелниот и аудитивниот хумор преку игра, како што е играта на ѕиркање, скокоткање, правење смешни лица, употреба на чудни гласови или ставање на предмети на невообичаени места, како на пример, ставање чаша на главата.

На околу 1 година, децата почнале да ги ценат повеќе партиципативното шегување, вклучително и задевањето, табу темите (т.е. „тоалет хумор“ и голотијата) и обидите да ги запрепастат другите, правењето звуци на животните.

Шегите се развиваат додека бебињата растат. На пример, 2-годишните учесници уживале во она што истражувачите го нарекле „глуп хумор“ – што може да дојде во форма на апсурдни изјави како што се „кучињата велат му“, ги сметаат за смешни навредите и повредите кај другите.

Тригодишните деца демонстрирале разбирање за посложени шеги во форма на игра на зборови, трикови со раце.
Социјализацијата е од витално значење за развојот на соодветно чувство за хумор, велат истражувачите, што исто така може да ја поттикне нивната имагинација и други когнитивни вештини.

Авторката на студијата и вонреден професор во школото за образование во Бристол, д-р Елена Хоичка вели: „Нашите резултати нагласуваат дека хуморот е сложен процес кој се развива во првите четири години од животот“.

„Со оглед на неговата универзалност . . . важно е да развиеме алатки за да одредиме како прво се развива хуморот за да можеме дополнително да ја разбереме не само појавата на самиот хумор, туку и како хуморот може да им помогне на малите деца да функционираат когнитивно, социјално и во однос на менталното здравје“.