Вирална снимка: Новороденче старо неколку часа ја крева главата за да ја погледне својата мајка

Видео кое ја прикажува нераскинливата и моќна врска помеѓу мајката и детето допре многу корисници на Интернет.

Во виралното видео, новороденчето старо само неколку часа кое лежи на градите на мајка си, ја крева главата за да ја погледне мајка си. Краткиот исечок собра милиони прегледи и бројни коментари.
Иако сцената е трогателна и емотивна, новороденчињата не можат сами да ја држат главата нагоре. Ако тоа се случи, постои сомневање за хипертонус, кој може да влијае на мускулатурата на целото тело. Бебињата кои страдаат од хипертонус често се опишуваат како невообичаено цврсти, но од друга страна, тие може да имаат проблеми со одржување на рамнотежа, што доведува до чести падови или одење на прсти. Во вакви ситуации се препорачува консултација со физијатар, кој ќе ја процени состојбата на детето и по потреба ќе предложи терапија и ќе покаже вежби за решавање на овој тип на дистоничен синдром.

Родителите треба да го поддржат вратот на новороденчињата со рацете, но се препорачува тие да се ставаат на стомак под надзор.