Здрава торта за првиот роденден на вашето дете

Нутриционист споделува со вас рецепт за подготовка на здрава прва роденденска торта. Воодушевете ги децата и сите ваши гости со тортата без грижа на совест.

305

Првиот роденден на вашето дете е секако особено важен ден за вас, но и за вашето дете. Затоа е важно тортата што ја правите за таа посебна пригода да биде и нутритивно прилагодена и во согласност со препораките и дохраната.

Во препораките стои дека доенчињата до 4.-6. месец исклучиво консумираат мајчино млеко или формула за новороденчиња. По завршувањето на 6-те месеци, со мајчиното млеко или формулата за доенчиња, постепено се започнува со воведување на цврста храна, иако поновите препораки овозможуваат и порано започнување на дополнителното хранење.

Ако нема строга препорака, многу педијатри препорачуваат да се започне со воведување на варен сечкан зеленчук. По воведувањето на зеленчукот, се воведува варено и сечкано посно месо и риба, во комбинација со зеленчук. Овошје со изразена сладост и гликемиско оптоварување (како што се бананите, крушите, се трудиме да не ги воведуваме веднаш).

Во споменатите комбинации на зеленчук може да се додаде и малку ладно цедено маслиново масло. Постепено се воведуваат и житариците (пченица, јачмен, ‘рж, овес, просо, хељда, пченка), кои можете да ги готвите во вода со додавање мајчино или вештачко млеко. Дури откако ќе заврши 8-ми месец, понудете му на вашето бебе комбинација од житарки, млеко и овошје.

Околу 11-тиот и 12-тиот месец, понудете му на вашето малечко адаптирана храна што ја јаде вашето семејство, со акцент на готвењето на вода и на пареа.

Здрава прва роденденска торта
Првата роденденска торта треба да биде целосно прилагодена на вашето дете. Затоа, кога правиме здрава прва роденденска торта, избегнуваме да користиме:

јајца
непастеризирани млечни производи
мед
сол.
Со тоа што не користиме додаден шеќер, се стремиме да направиме вкусни колачи без додаден шеќер. Таквите колачи не само што имаат одличен вкус, туку и навистина можат да изгледаат одлично. Притоа користиме природни бои или пигменти кои доаѓаат од самата храна, како што се овошјето и зеленчукот.

Замени за слатко за бебиња
Во првата година од животот, но и подоцна се препорачува исхрана без додаден, индустриски добиен шеќер. Спротивно на некои културни и лични верувања, бебињата физиолошки не го знаат ниту пак им недостасува.

Еве краток преглед на достапните алтернативи на конвенционалниот шеќер при подготовка на десерти и колачи:

Свежо овошје: јаболката, крушите, бананите сами по себе, со нивната природна содржина на јаглехидрати, односно природно присутните шеќери, ја даваат посакуваната сладост. Сепак, за разлика од екстрахираните или изолираните шеќери, овошјето исто така содржи влакна и други олигоелементи кои даваат компаративна вредност на употребата на овошјето, во споредба со какви било засладувачи.
Сушено овошје: урми, кајсии и смокви се особено погодни. Внимавајте кога купувате сушено овошје! Имено, внимавајте сувото овошје да не било сулфурирано. Ако сувото овошје е меко, најдобро е да го испасирате во пире.
Паста од урми, таканаречен засладувач од урми: Тоа се суви урми кои се ситно мелени. Можете да го користите засладувачот од урми, кој е достапен во продавниците, на сличен начин како шеќерот.
Дозволени се и мали количини зрна какао.
Во продолжение можете да најдете рецепт за вкусна, сочна и здрава овошна торта со зрнесто овошје за да го прославите првиот роденден на вашето дете.

Состојки:

Рецепт за овошна торта

1 чаша пченкарно брашно
1 и пол шолја спелтино брашно
1 и пол шолја овесно брашно
1 чаша мелен рогач
1 лажичка сода бикарбона
¾ чаша кафеав шеќер
Рендана кора од 1 органски одгледан лимон
2 лажици чиа семе
6 супени лажици вода
1 лажичка јаболков оцет
¾ чаша маслиново масло
2 рендани јаболка или 4 рендани моркови
450 гр зрнесто овошје.

Приготвување:

Напомена: бидејќи во рецептот не се користат јајца, наместо тоа ставете во мала чинија:

2 лажици чиа семе
6 супени лажици вода.
Добро измешајте и оставете чиа семето да набабри. Во меѓувреме, во поголем сад ставете ги сите суви состојки:

чаша пченкарно брашно
1,5 чаша спелтино брашно
1,5 чаша овесно брашно
1 чаша мелен рогач
1 лажичка сода бикарбона
¾ чаша кафеав шеќер.
Сите суви состојки добро измешајте ги, а влажните состојки ставете ги во друг мал сад:

мешавината од чиа семе и вода
рендана кора од органски одгледан лимон
1 лажичка јаболков оцет
¾ чаша маслиново масло
2 рендани јаболка или 4 рендани моркови.
Во влажната смеса постепено додавајте ја смесата од сувите состојки и сè убаво измешајте.

Подгответе калап за печење кој ќе го намачкате со малку маслиново масло и посипете го со брашно (за да не се залепи смесата за калапот при печењето).

Истурете ја смесата во калап за печење и печете околу 30 минути во загреана рерна на 180°C.

Кога ќе се испече бисквитот, извадете го од калапот и ставете го да се излади. Додека чекате да се излади бисквитот, ставете ги бобинките во садот за готвење со додавање малку вода и варете додека овошјето не се згусне – конзистентноста треба да биде како џем. Наместо бобинки, можете да користите било кое овошје – по ваш избор.

Изладениот бисквит пресечете го на половина и на долниот дел од бисквитот намачкајте половина од „џемот“ од бобинки и преклопете го со другата половина од бисквитот. Со преостанатата половина од џемот украсете ја тортата. За дополнително украсување на колачот користете свежо овошје.

Рецептот е од ТУКА.

Повеќе