Едно од четири деца треба да започне на училиште во септември без да биде обучено за одење во тоалет, соопштила англиска добротворна организација.
Извештајот на добротворната организација Kindred покажал дека учениците во почетните одделенија во просек губат по една третина од времето за учење затоа што наставниците своето време го користат за да им помогнат на децата кои не се подготвени за на училиште, пример, уште се во пелени.
Бристолската добротворна организација ERIC сега почнала кампања за „итна интервенција“ за оние кои почнуваат на училиште следниот месец.
Извршниот директор на ERIC, Џулиет Рајнер, рекла дека, иако проблемот неодамна бил „растечки проблем“, „оваа година се чини дека е особено лоша“.
„Дете во пелена назадува уште од првиот ден.
Ние знаеме дека има деца кои не можат да научат да користат купатило заради медицински причини или затоа што имаат посебни потреби, па не станува збор за тоа дека треба да се стигматизираат овие деца.
Меѓутоа, поголемиот дел од децата, тие треба да се способни да продолжат со учењето и само да уживаат во училиштето“, додава г-ѓа Рајнер.
Таа вели дека проблемот е поврзан со фактот дека децата кои почнуваат на училиште оваа година се родени за време или близу до почетокот на пандемијата, „така што во голем дел од нивните рани години не им посветувале толку внимание на нивниот социјален развој“.
Добротворната организација започнала летна кампања „Сите во тоалетниот воз!“, за да им помогне на повеќе деца да се подготват самостојно да користат тоалети на училиште.
Родителите можат да се пријават на онлајн предизвикот на добротворната организација кој ќе им помогне да се подготват за училиште.
Во текот на летото ќе добиваат информации, совети и поддршка.
Бет Озборн, консултант за раните години во Градскиот совет во Бристол, рекла: „Со текот на годините видовме дека Ковид има влијание врз децата и нивното навикнување за одење во тоалет и повеќе деца почнуваат да примаат во пелени.
„Навистина е важно децата и семејствата да добијат поддршка за ова малку порано, така што кога ќе почнат на училиште да бидат подготвени за учење, за да можат да се дружат и да можат да се вклучат и да се развиваат во следните фази”.
Од ЕРИК започнале кампања која треба да им помогне на децата сами да користат тоалети на училиште, а како дел од неа родителите може да се пријават за онлајн помош во подготовката на своите деца.
Анкетата на Киндерд открива и дека 46% од учениците не можат да седат мирни, 38% не знаат да си играат или да споделуваат со други, 37% не знаат сами да се облекуваат, 29% не можат сами да јадат и пијат, а 28% неправилно ги користат книгите, со движења како за таблет.