Алергична на сопствената менструација! Еве кои се симптомите на пречувствителност на прогестерон

На Британката Џорџина Џели (28) во април 2024 година ѝ ставиле спирала, а само три недели подоцна почна да доживува чудни симптоми. Имала чешање и печење на очите, главоболки и осип.
Лекарот ѝ препишал орални стероиди и антихистаминици и нападот поминал за неколку дена.
Три недели подоцна, таа доживеала уште една алергиска реакција – но овој пат со посериозни симптоми.

Оваа мајка на едно дете имала толку многу болки што брзо била упатена на очен специјалист и била подложена на дополнителни тестови за да се утврди причината.

По обемните тестови, вклучително и МРИ, Џорџина почна да губи надеж дека ќе добие дијагноза. Дури кога сфатила дека нејзините алергиски реакции се случувале секогаш кога имала менструација, почнала да ја истражува својата хиперсензитивност на прогестерон (PH).

Тоа е ретка состојба која предизвикува алергиски реакции за време на менструалниот циклус на жената, кога се ослободуваат јајцата.

Џорџина потоа се вратила на контрацепција, што значи дека немала менструација секој месец. Оттогаш, ниту еден од исцрпувачките симптоми не се вратил, пишува Thesun.co.uk.

„Беше страшно. Знаев дека сум алергична на нешто, но немав поим на што. Очите ми беа толку црвени, изгледаше како да носам маска за очи и тоа влијаеше на мојот вид. Беше толку болно и бев толку загрижена дека што нешто сериозно не е во ред“, пишува Thesun.co.uk.
Ѝ кажале дека тоа е ретка состојба.

„Шокантно е да се мисли дека всушност сум алергична на сопствените менструации“, вели таа.

Лекарот на Џорџина ѝ препорачал да стави спирала во април 2024 година, откако доживеала симптоми на предменструално дисфорично нарушување (ПМДД) од нејзините контрацептивни инјекции.

Со спиралата, нејзините менструации на почетокот биле нередовни, но кога стасала првата менструација, започнале чудните симптоми.

„Имав толку чудно чувство на печење во моите очи. Цело време ми солзеа очите, а образите ми беа црвени. Мислев дека тоа може да биде реакција на мојот омекнувач за алишта.

Општата лекарка ми препиша стероиди и состојбата ми се смири“, вели Џорџина, на која симптомите ѝ се вратиле три недели подоцна, но овојпат биле посериозни. Нејзиниот вид бил оштетен и имала силни главоболки.

Лекарите заклучиле дека нејзините симптоми се должат на екстремна егзема, но таа чувствувала дека тоа не е тоа.

Сфатила дека споменатите реакции ги има секогаш кога добивала менструација.

Потоа ѝ ја отстраниле спиралата и ѝ била дадена инјекција Депо-Провера за да ѝ ја прекине менструацијата и немала друга алергиска реакција.

„Се чувствувам многу подобро откако беше отстранета спиралата. Беше толку болно и ужасно и немавме поим зошто тоа се случува. Работам со полно работно време и имам ќерка за која треба да се грижам, потрошив речиси 400 фунти на креми за да се обидам да го излечам проблемот – бев очајна“, вели таа.

Што е хиперсензитивност на прогестерон?

Преосетливост на прогестоген (PH) е состојба во која телото има алергиска реакција на прогестерон, хормон произведен од јајниците или неговата синтетичка форма наречена прогестин, која често се користи во контрацепција или третмани за плодност.

PH може да започне во која било фаза од животот, од првата менструација до менопаузата. Симптомите варираат, но може да вклучуваат:

Кожни реакции – вклучувајќи дерматитис (воспаление на кожата), уртикарија и други осипи
Проблеми со дишењето – вклучително и астма
Тешки алергиски реакции како што е анафилакса, која може да биде опасна по живот.

Третманот ќе зависи од симптомите, но може да вклучува антихистаминици или лекови за запирање на овулацијата или намалување на производството на прогестерон, пишува Националната организација за ретки нарушувања (NORD).