Покрај тоа што не знаат каде е клиторисот, младите мажи не ја знаат ниту сопствената анатомија
Не е толку невообичаено мажите да не го познаваат женското тело, но би се очекувало да го знаат сопственото, нели?
Во новото истражување, научниците од The Urology Foundation ја истакнаа загрижувачката разлика во анатомското знаење меѓу мажите од генерацијата Z.
Испитале 2.000 мажи ширум Велика Британија и откриле дека само 41 отсто од мажите на возраст од 18 до 24 години можат правилно да ја идентификуваат локацијата на клиторисот, клучна компонента на женското сексуално задоволство.
Спротивно на тоа, 70 отсто од мажите на возраст од 55 до 64 години можеле точно да ја одредат неговата локација.
Разбирање на женската и машката анатомија
Разликата на генерациите во анатомското знаење е запрепастувачка.
Додека истражувањето открива дека 61 процент од мажите од сите возрасни групи можат правилно да го идентификуваат клиторисот, помладите мажи се значително помалку информирани. Овој недостаток на знаење ја надминува само женската анатомија.
Постои загрижувачки недостаток на свест кај младите мажи и за сопственото тело.
Само 48 отсто од мажите на возраст од 18 до 24 години можеле да ја лоцираат својата простата, во споредба со 58 отсто од мажите на возраст од 55 до 64 години.
Ребека Порта, извршен директор на Фондацијата за урологија, изразила загриженост за овој недостаток на свест.
Таа ја нагласила важноста од разбирање на функцијата и локацијата на простатата, особено затоа што се предвидува дека стапката на рак на простата ќе се удвои на глобално ниво до 2040 година. Порта нагласила дека раната свест и едукација за здравјето на простатата се клучни за мажите ефикасно да управуваат со своето здравје.
Митови за простатата
Истражувањата открија дека многу мажи имаат заблуди за простатата.
Речиси половина погрешно веруваат дека простатата игра улога во протокот на урината наместо нејзината примарна функција за производство на сперма.
Простатата, која се наоѓа под мочниот меур и ја опкружува уретрата, игра клучна улога во репродукцијата со мешање на спермата со семената течност, што помага во оплодувањето и спречува инфекции на уринарниот тракт.
Симптомите како што се често мокрење, крв во урината или спермата и отежнато мокрење може да укажуваат на проблеми со простатата.
Разбирањето на сопственото тело и препознавањето на предупредувачките знаци е клучно.