Мајките – инфлуенсерки им штетат на новите мајки – и тоа се резултати од истражување

Веќе знаеме дека се истражуваат многу работи кои понекогаш ни се бесмислени. Меѓутоа, понекогаш нешто што доаѓа како потврда за некое наше размислување, исто како и нешто што го побива нашето мислење, добро ни доаѓа.

Овојпат, станува збор за истражување кое покажало дека мајките-инфлуенсерки можат повеќе да им наштетат отколку да им користат на новите мајки.

Резултатите од истражувањето биле објавени во Journal of Broadcasting & Electronic Media, а покажале дека дотерани или идеализирани претстави на мајчинството – т.е. сето она за што веќе многу пати сме пишувале, како што е претерано чиста куќа, постојано среќни деца, совршена коса и шминка – примерите споделени на социјалните мрежи може да ја зголемат анксиозноста и зависта кај новите мајки.

Чувствителен период
Имено, истражувачите од Универзитетот Небраска-Линколн анкетирале 464 нови мајки кои се обидувале да разберат дали одредени особини што некако ги прифатиле со тоа што станале мајки можат да ги направат почувствителни на негативните ефекти од идеализираните претстави на мајчинството кои се споделуваат на Интернет.

Генерално, откриле дека тие премногу гламурозни објави на социјалните мрежи имаат негативен ефект врз оние мајки кои се повеќе склони кон „социјални споредби“. Утврдено е дека истите мајки имаат поголема веројатност да станат помалку сигурни во сопствените родителски способности откако ќе се идентификуваат со овие објави.

„Сите ние имаме тенденција да споредуваме, но некои од нас се повеќе склони кон правењето споредби од другите“, рекол водачот на студијата Сиера Киркпатрик во изјавата. „Ако знаеме како овие објави влијаат на мајките и дека се поштетни за одредени мајки, тогаш тоа ни помага, од гледиште на стратешките здравствени комуникации или на здравствените работници.

Видеата се со помал притисок
Утврдувањето кој може да биде поранлив на негативните влијанија на социјалните медиуми ќе им овозможи на професионалците да интервенираат пред негативните влијанија да почнат да го земаат својот данок. Киркпатрик, исто така, истакнала дека алгоритамската промена од фотографии на видео (т.е. Тик-Ток, Инстаграм Рилс) го намалила бројот на совршени објави бидејќи има помалку можност за уредување и инсценирање.

„Мислам дека беше полесно, со фотографија, да се долови токму она што го сакате и да се изостави сè друго“, коментира Киркпатрик. „Малку е потешко да се увериме дека сè е совршено во видеото, а гледав сѐ повеќе обиди да покажат реални претстави на мајчинството додека собирав такви објави за следната студија.

Сепак, мајките кои се подпложни на споредување не се целосно ослободени од чувството на помала вредност со видео содржината на мајките инфлуенсерки. Киркпатрик открил дека можеби има работи кои, заедно со идеализацијата, ги влошуваат работите за новите мајки.

„Имам многу примери на мајки по породувањето кои ги покажуваат своите работи кои мораат да ги имаат – креветче од 1.000 долари или машина за миење шишиња од 300 долари и навистина скапи работи – и тоа веројатно врши притисок врз мајките“, вели Киркпатрик, додавајќи: „Или видеа за „типичен ден“ кој покажува како мајка по породувањето планира оброк или ја чисти својата куќа секоја вечер. Тоа само го зголемува притисокот.

Не прозиваме никого, ниту велиме дека некој прави нешто погрешно. Ќе заклучиме само дека на мајките денес не им е лесно…