Дали му давате на вашето дете мобилен телефон за да го смирите? Психолог открива зошто e тоа грешка

Иако многу родители на своето дете му даваат мобилен телефон или некој друг вид екран кога сакаат да го смират, многу истражувања на оваа тема покажале колку тоа е всушност штетно. Со истото се согласува и магистерот по психологија Патриција Хачек Зубер, која смета дека родителите не се ни свесни за тоа колку последиците од екраните, а особено нивната употреба при смирување на детето, можат да бидат опасни.

„Мислам дека е крајно лошо да се смири детето давајќи му мобилен телефон, бидејќи родителите ги прекинуваат емоциите на детето и детето нема можност да дознае ништо за неговата состојба и како да си помогне следниот пат. Ако му дозволиме на детето да ги искажува емоциите на општествено прифатлив начин и дека сите емоции се во ред бидејќи се појавуваат како сигнал за тоа што се случува со нас, тогаш емоционално го описменуваме детето“, објаснува Хачек Зубер, додавајќи дека екраните кога детето плаче обично ги даваат неосвестени родители.

„Овој трик најчесто го користат оние родители кои многу често се попустливи и не знаат како да се справат со емоциите на своето дете. И тогаш се чини дека наједноставната работа е да му дадат на детето екран за да му го одвлечат вниманието. Во мојата пракса ова се покажа како штетен и долготраен пат во детскиот развој“, предупредува психологот.