Докторка, експерт за рак на дојка советува: Претворете ја крвта во машина за убивање на канцерогените клетки

Д-р Кристи Фанк има над 25 години искуство како експерт за лекување на рак на дојка, авторка е на книги, јавен говорник и иницијаторка на многу кампањи за едукација на жените како можат да ја земат судбината во свои раце кога станува збор за ракот на дојката.

Една од првите работи што ја истакнува д-р Фанк е дека раширеното верување дека ракот на дојка е во голема мера генетски предиспониран не е точно. Таа наведува дека 87% од сите жени заболени од рак на дојка немаат блиски роднини со оваа болест, а 80% од нив немаат ниту подалечни роднини. Факт е дека постоењето на генетски мутации драматично го зголемува ризикот, но истражувањата покажале дека дури и пациентите со овие мутации можат да ја намалат шансата да се разболат со усвојување едноставни навики како што се, на пример, редовно вежбање или консумирање производи од соја.

Како најголеми фактори на ризик за појава на рак на дојка, поврзани со начинот на живот, д-р Фанк ги наведува лошата исхрана, базирана главно на храна од животинско потекло, недостаток на вежбање, вишок килограми и прекумерно консумирање алкохол. Други фактори на ризик се хормонска терапија, токсини од околината и емоционален стрес. Таа нагласува дека истражувањата постојано покажуваат дека кога жените прифаќаат здрави животни навики, тие можат да го намалат ризикот од рак на дојка за најмалку 50, па дури и до 90%.

Сепак, д-р Фанк вели дека нејзината оптимистичка порака не наидува секогаш на позитивни реакции. Некогаш на мрежите се соочува со осуди од жени кои веќе заболеле од оваа болест: „Што сакате да кажете, дека јас сум виновна што добив рак“.

Таа признава дека тоа секогаш ѝ паѓа тешко, бидејќи се занимава со едукација на жените да не осудуваат некого, туку да поттикне што повеќе жени со пораката дека не се беспомошни пред оваа болест и дека има многу конкретни работи што можат да ги направат за да си помогнат самите себеси. Истражувањата покажуваат дека најмалку 80% од жените не се свесни дека правилната исхрана може значително да го намали ризикот од развој на рак на дојка.

6 видови храна кои ќе ја претворат вашата крв во машина за убивање на клетките на ракот

Според д-р Фанк, повеќето научни истражувања за ракот на дојката покажуваат намалена фреквенција на неговото појавување, враќање или смрт, поврзано со консумирање на 6 видови храна: зеленчук од типот на брокула, прокељ, зелка…), производи од соја, печурки, ленено семе, бобинки и зеленчук од семејството на кромид (кромид, праз, млад кромид…).

Неверојатната моќ на овие намирници доаѓа од фитохемикалиите, кои се ослободуваат во нашиот крвоток секој пат кога ги јадеме и веднаш ги преплавуваат сите наши клетки. Преку цела низа сложени механизми на клеточно ниво, овие супстанции влијаат на спречување на појавата, растот или ширењето на клетките на ракот.

Од друга страна, вели таа, секогаш кога јадеме животински протеини или масти, тоа доведува до зголемување на естрогенот, кој во 80% од случаите е гориво за рак на дојка. Покрај тоа, IGF1 во нашата крв (фактор на раст) се зголемува и се стимулира ангиогенезата (формирање на крвни садови кои го снабдуваат ракот). Се зголемува и оксидативниот стрес, кој го ослабува имунолошкиот систем во борбата против клетките на ракот.

Како растенијата што ги јадеме се борат против ракот?
Моќната фитохемикалија во брокулата (и другиот зеленчук од тоа семејство) е сулфорафанот. Во лабораториски услови, според д-р Фанк, сулфорафанот се покажал како успешен убиец дури и на најмоќните матични клетки на ракот, одговорни за неговите метастази.

Кога станува збор за сојата, д-р Фанк признава дека и самата со години била во заблуда и ги советувала своите пациенти да избегнуваат да ја консумираат поради фитоестрогените, убедена дека таа може да има стимулирачки ефект врз ракот на дојката како естрогенот. Сепак, таа вели дека додека ја пишувала книгата и ги проучувала сите можни научни истражувања за врската помеѓу исхраната и ракот на дојката, открила дека недвосмислено ја покажува заштитната улога на сојата, кога станува збор за карциноми чувствителни на естроген.

Магичниот број што се повторува во повеќето студии поврзани со соја е намалување за најмалку 32% на појавата, повторувањето или смртта од ракот кај жените кои консумираат производи од соја. Се чини дека целата конфузија за ефектите на сојата се должи на погрешно разбирање за тоа како функционираат фитоестрогените. Д-р Фанк објаснува дека естрогенот се врзува за алфа рецепторите, а фитоестрогените од соја се врзуваат за бета рецепторите. Ова е клучна разлика, бидејќи бета рецепторите имаат моќ да ги „исклучат“ алфа рецепторите, а со тоа го блокираат стимулирачкиот ефект на естрогенот врз клетките на ракот.

Печурките исто така имаат состојки кои ги блокираат ефектите на естрогенот со инхибирање на ензимот ароматаза. Д-р Фанк нагласува дека не е важно да се бараат скапи лековити печурки, бидејќи науката открила најголема моќ за блокирање на естрогенот во обичните шампињони. Таа го наведува примерот на студијата за жени во Кина, каде што жените кои консумирале само 10 г печурки дневно имале 64% помала инциденца на рак на дојка во споредба со оние кои не користеле печурки во нивната исхрана.

Семките од лен, поради содржината на лигнани, друг фитоестроген, се исто така во многу студии поврзани со потенцијалните придобивки против ракот на дојката.

Според д-р Фанк, моќта на бобинките доаѓа од присуството на антоцијанин и елагична киселина и нивното антиоксидативно дејство. Таа објаснува како овие супстанции ја „нарушуваат сигнализацијата“ на клетките на ракот, ја промовираат нивната апоптоза (клеточно самоубиство) и ја инхибираат ангиогенезата (формирањето на крвните садови кои го хранат ракот).

Конечно, д-р Фанк препорачува „смути за превенција од рак“, кој и самата често го консумира, а кој е преполн со намирници со антиканцерогени ефекти: млеко од соја, зелен чај, мелен лен, зелена зеленчук (спанаќ, кељ), бобинки (боровинки , јагоди), малку банана, една урма, со додавање на моќни зачини – цимет, куркума и малку пипер (ја активира куркумата).