Тринаесетгодишно девојче мисли дека е лисица

Низ светот расте бројот на теријантропи – луѓе кои се идентификуваат како животни заробени во човечко тело. Меѓу нив и ова тринаесетгодишно девојче од Америка

301

Маќеа по име Џил бара совет како да се справи со нејзината 13-годишна поќерка која се идентификува како лисица. Имено, тинејџерката е териjан (териjантроп), односно личност која се идентификува како животно заробено во човечко тело.

„Таа носи маска и опашка и има канал на Јутјуб каде скока како лисица во навистина кратки шорцеви“, вeли Џил за поткастот The Dr. John Delony Show, кој се занимава со проблеми со менталното здравје и нуди насоки за врските, анксиозноста и благосостојбата.

Џил е загрижена бидејќи биолошката мајка на девојчето поттикнува такво однесување кај нејзината ќерка.

„Се обидувам да бидам сочувствителен во реалниот свет. Работев со млади луѓе цела моја кариера, така што ништо не ме изненадува, но поради фактот што има име за оваа состојба, се чувствувам како да живееме во зоната на самракот“, коментира Џон Делони.

Таа ја убедила својата полусестра дека е жирафа
Џил вели дека токму затоа му се обратила за помош.

„Јас сум целосно изгубена и шокирана. Проблемот е уште поголем бидејќи мојата поќерка ја убеди мојата деветгодишна ќерка дека е жирафа. Дали треба да го дозволам ова и кои правила треба да ги воведам во врска со интернетот, екраните и социјалните мрежи”, прашува очајната жена.

Делони вели дека неговата осумгодишна ќерка сака да се преправа дека е принцеза, но тој смета дека тоа однесување е здраво и нормално.

„Ако вашето дете сака да се облече како жирафа и да трча наоколу во дворот, јас немам проблем со тоа. Се подразбира дека нема да се облече како жирафа кога ќе излеземе на вечера или кога доаѓаат нејзините пријатели“, објаснува тој за границите на преференциите на детето.

„Лудо е што дури го водиме овој разговор затоа што некој се „идентификува како животно“, додава тој, повикувајќи ги родителите да внимаваат на ваквото однесување.

Девојчето глуми лисица во видеата кои ги објавува на Јутјуб
Џил тврди дека нејзиниот татко го забранил каналот на девојчето на YouTube, но таа сепак го започнала со поддршка на нејзината мајка.

„Поголемиот дел од гледачите се веројатно возрасни мажи. Кога на детето му давате паметен телефон, не му давате пристап до светот – вие му давате пристап на светот до детето. Ова е канал за возрасни мажи и ме загрижува тоа што вашата поќерка е всушност цел на сексуални предатори“, вели Делони.

Покрај проблемот на безбедноста, Делони смета дека родителите треба да му овозможат на девојчето позитивни повратни информации. Тој објаснува дека желбата на секој тинејџер е да биде виден и славен.

„Мојата поќерка долги години одеше на терапија, но никој не знае што да прави со неа. Таа не е лошо дете, таа е полна со почит, им помага на моите деца и мие садови, но верува дека е лисица. “ продолжува маќеата.

Родителите мора да постават строги граници и правила
Делони ја советува да се фокусира на она што може да го контролира како родител – поставување строги правила за користење телефон и Јутјуб кога нејзината поќерка е под нејзиниот покрив.

„Она што ѝ треба е сила. Таа има потреба од силни родители кои ќе стојат покрај неа. Сакате таа да се заврти еден ден и да каже: „Ова се луѓето кои никогаш не престанаа да се борат за мене и кои навистина се грижеа за мене“, ѝ порачува тој на маќеата.

Ја советува да седне со децата, да преземе целосна одговорност и да им се извини што порано не поставила граници.

„Бидете многу јасни за вашите цели, зошто сакате да ги направите овие работи, кои ќе бидат вашите граници, запишете ги и започнете разговор и правете го тоа за време на оброкот. Кажете им на децата: „Ова ќе биде тешко, но знаете ве сакаме и знаеме дека имаме една работа, а тоа е да ве заштитиме“, вели тој.

Расте бројот на теријаните во светот
Девојчето не е единствената млада личност која во последно време отворено се идентификува како животно. Наја Оками од Сиетл инсистира на тоа дека се идентификува како волк на секое ниво, освен на физичкото. Во 2023 година, DailyMail објави за трендот на зголемување на бројот на теријани, како резултат на популарноста на Тик-Ток.

Повеќе