Како да се подготват татковците кои сакаат да присуствуваат на породувањето?
За татковците што ги придружуваат своите партнерки, породувањето може да биде вистински предизвик. Еве како можете да им помогнете да се подготват и наместо да паѓаат во несвест да можат да ја дадат потребната поддршка.
Додека жената се пораѓа, целото внимание треба да биде насочено кон неа. Врескање, викање и слични звуци се сосема нормални во такви моменти. Ако жената е придружувана од партнерот за време на породувањето, целата атмосфера може да биде непријатна и шокантна и за него.
Треба да бидете реални и да разберете дека партнерот кој присуствува на породувањето може да биде изгубен и несигурен, а може да даде подобра поддршка ако знае што да прави. Присуството на породувањето понекогаш доведува до конфликт меѓу партнерите. Иако идниот татко сака да биде присутен, може да му биде многу тешко да процени каква е неговата улога.
5 вистини за породувањето
- Жените кои раѓаат мора да се гледаат себеси и своите бебиња како приоритет. Секоја емпатија треба да се зачува за друг пат.
- Доживувањето на породувањето бара високо ниво на фокус и решителност. Иако некој може да биде мајстор за мултитаскинг, породувањето бара фокусирање само на таа една и најважна работа.
- Добро е да дозволите другите да помогнат. Без разлика колку е близок односот со партнерот, акушерките се експерти за справување со сите типови на личности. Дозволете им да го поддржат вашиот партнер и да го водат за да биде подобра поддршка за вас.
- Подготовката е многу корисна. Ако вашиот партнер има малку знаење за тоа што да очекува за време на породувањето, ќе му биде полесно да се справи со сè и ќе има помалку фактор на изненадување. Зборувајте отворено за време на бременоста за тоа како тој ќе се справи кога ќе ве гледа во болка.
- Може да им помогне на партнерите да имаат јасни идеи за тоа што можат да направат за да бидат добар поддржувач. Масажите, тренинзите, контролата на дишењето и правилното притискање се работи во кои вашиот партнер може да ве поддржи.
Дополнителни практични совети
Обидете се да не гледате на следното раѓање како можност да ги поправите грешките и разочарувањата од претходните раѓања. Поставувањето високи очекувања често може да доведе до дополнителни разочарувања – секое раѓање и секое бебе се многу посебни и различни.
За време на бременоста, имајте отворени разговори со вашиот партнер за породувањето, опциите за ослободување од болка и што сакате од него во овие моменти.
Бидете подготвени за изненадувања. Дури и ако вашиот партнер е вообичаено гадлив кога станува збор за болници и за крв, дајте му признание за неговата способност и подготвеност да го промени тоа. Честите коментари се: „Беше подобро отколку што мислев дека ќе биде“ или „Беше тешко, но во ред е“.
Одете заедно на курсеви за бременост. Ова е одличен начин идните парови да ја почувствуваат и зајакнат својата врска пред породувањето.
Ако сте загрижени за можните реакции на вашиот партнер за време на породувањето, разговарајте со експерти и советници.
Имајте на ум дека некои партнери навистина се мачат со породувањето. Ако вашиот партнер вели дека не мисли дека може да присуствува, а вие сте направиле се за да го охрабрите, можеби е време да изберете некој друг да ве придружува. Подобро е да знаете сè и да планирате сè пред да биде предоцна, за да не се чувствувате разочарани во последен момент.
Кажете му на вашиот партнер дека ако се чувствува преоптоварено и има потреба од одмор, тогаш е во ред да си замине. Не е невообичаено партнерите да чувствуваат мачнина, несвестица или потреба да седнат додека нивната партнерка се породува. Луѓето реагираат на стрес на различни начини, пишува The New York Post.