Како се намалува стомакот по породувањето?

Иако времето за враќање на старата тежина е различно за секоја жена и зависи од бројни фактори (во зависност од тоа колку килограми сте добиле за време на бременоста, дали доите или не, каква е вашата исхрана и дали вежбате), постојат одредени пресвртници што можете да ги означите во календарот.

24 часа по раѓањето
Жените губат во просек по 5,5 килограми речиси веднаш по породувањето. „Тука е бебето, изгубената крв, течностите, плодовата вода“, вели нутриционистката Сара Б. Кригер, која работи со бремени жени и мајки.

„Во овој период од 24 часа, вашиот стомак по породувањето веќе почнува да се намалува“, додава таа. Со други зборови, голем дел од тежината од бременоста е самото бебе.

Една недела подоцна
„Сè уште губите многу течност во форма на урина, особено ако сте имале епидурална“, вели нутриционистката Кригер, што значи дека сè уште слабеете, но таа советува да не се мерите: „Фокусирајте се на тоа како ви стои облеката, а не на она што го кажува вагата“.

Доењето исто така игра улога во слабеењето. Иако на жените им се советува да внесуваат дополнителни 500 калории дневно доколку дојат, тие често губат многу килограми по породувањето токму поради доењето.

„Жените слабеат од доењето бидејќи доењето бара и „зема“ калории“, вели гинекологот Ешли Роман.

Две недели подоцна
Нутриционистката Кригер верува дека новите мајки не треба да се мерат во првите две недели по породувањето, кога можеби сè уште воспоставуваат рутина за доење, а хормоните допрва почнуваат да се смируваат. Со други зборови, се уште сте во таканаречениот „бејби блуз период“, каде бројките на вагата би можеле да ве вознемират и многу лесно да ве расплачат.

Таа исто така додава: „Бројот на вагата обично не е вистински одраз на вашата тежина, затоа не се обесхрабрувајте“. Кригер препорачува еднаш месечно да ја мерите половината со сантиметар за да ги следите сантиметрите, а не килограмите.

Еден месец подоцна
Можеби звучи премногу добро за да биде вистина, но вообичаено е новите мајки да изгубат околу 9 килограми во првиот месец по породувањето. Бидејќи на повеќето жени им се советува да се здебелат 11-15 кг за време на бременоста, еден месец подоцна, многу е веројатно дека речиси ќе ја вратите тежината пред бебето. Шест недели подоцна, вашата матка целосно се вратила во карличната празнина, а вашиот стомак изгледа порамно и помало.

Неколку месеци подоцна
Ако ги задржите здравите навики во исхраната кои ги следевте за време на бременоста, блиску сте до вашата нормална тежина. Доколку сакате да го забрзате процесот, вежбањето секако ќе ви помогне во тоа.

Девет месеци подоцна
Кригер тврди дека има вистина во често употребуваната фраза „9 месеци нагоре, 9 месеци надолу“. Но, ако сте се здебелиле повеќе од препорачаните 11 до 15 кг, ќе ви треба уште малку за повторно да изгледате како старата јас. Издржете! “
„Заклучокот е дека не секоја жена губи тежина после породувањето на ист начин“, вели Кригер, предупредувајќи на трендот на модни диети кои нема да дадат долгорочни плодови. Уште полошо, неуспешните диети каде што јадете малку за да изгубите многу, не му ги обезбедуваат на вашето тело потребните хранливи материи и го лишуваат вашето бебе од калориите и хранливите материи што му се потребни ако доите.
„Додека мајката добива доволно квалитетни калории, витамини и минерали неопходни за здраво тело, а ако повремено вежба, таа не само што е здрава мајка, туку и совршен пример за здрав и квалитетен начин на живот за нејзините деца“, заклучува нутриционистката Кригер. Со таков начин на живот, изгледот доаѓа сам по себе!