Заборавете на т.н „terrible twos“ или ужасната втора година од животот на детето, кога поминуваат низ нешто како прв пубертет. Американски професори од Универзитетот во државата Аризона и државата Оклахома открија дека родителите се под најголем стрес и се чувствуваат најнесреќни во детските твин години, односно, периодот помеѓу детството и тинејџерските години. Тоа се обично 11-тата и 12-тата година.
Мајките на децата на таа возраст најчесто страдаат од депресија, многу повеќе отколку кога нивните деца се тинејџери.
„Многу мајки не се свесни дека големото и најболното одвојување на децата од родителите не се случува кога детето ќе го напушти гнездото, туку кога тие психолошки се оддалечуваат од нив. Тоа е психолошка метаморфоза и за мајката и за детето. Не само што некои деца доживуваат големи хормонални промени во тоа време, тие веќе се однесуваат поотуѓено и одбивно кон нивните мајки“, вели водачот на истражувањето Сунија Лутар.
Кај жените, околу 42-та година, нивото на хормоните естроген и прогестерон почнува да опаѓа, што може да ги натера да се чувствуваат помалку грижливи и да се однесуваат погрубо кон децата и партнерот. Но, задоволството од децата обично расте кога децата излегуваат од тинејџерските години.