Одгледајте независно дете на кое ќе можете да се потпрете кога ќе остарите: Вака се создаваат луѓе!

Ако го наградите вашето дете со некој денар кога ќе го среди креветот, ќе очекува пари секогаш кога ќе побарате да направи нешто или да ви помогне во домашните работи. Можете да му давате на вашето дете месечен џепарлак за да научи да управува со парите правилно и за севкупното добро однесување.

521

Да се ​​биде родител е најубавата, но и најтешката работа. Мајките и татковците секојдневно се соочуваат со сомнежи, предизвици, стравови и прашања за тоа дали правилно го воспитуваат своето дете.

Со цел да им олеснат на родителите, експертите за воспитување собрале 13 правила кои го сочинуваат „светиот грал“ на воспитувањето. Еве што треба да знаете за воспитувањето на детето…

Дозволете му на детето да прави грешки

Ако сакате да воспитате независна личност, треба да му дозволите на детето понекогаш да греши, без вие да му помогнете. Запомнете: долгорочната благосостојба – на пример, тинејџер кој знае сам да ги испере алиштата – бара моментална непријатност.

Пред да скокнете да му помогнете на детето со физичката задача, запрашајте се „Дали моето дете е во опасност?“ Потоа запрашајте се дали детето ги има потребните вештини (умешност и рамнотежа) и дали се задоволени основните потреби (дали е наспано и сито). Ако е одговорот да, оставете го детето само да се обиде да ја заврши задачата.

Следете ги 3-те правила за домашна работа

Правило 1: Прво да се направи најтешката работа.

Правило 2: тргнете го мобилниот телефон настрана. Можеби на детето му треба технологија, како што е компјутер, за домашна работа, но барем не мора да испраќа СМС пораки во тоа време.

Правило 3: Штом ќе ја заврши домашната задача, нека ја спакува торбата за утре и нека ја стави до вратата.

Овој процес од три чекори детето може лесно да го усвои, па ќе морате многу помалку да му досаѓате околу извршувањето на училишните обврски.

Запомнете ја кратенката G.U.U.U.

Нападите на бес најчесто се случуваат затоа што детето е гладно, вознемирено, осамено или уморно.

Вежбајте секојдневни дела на љубезност

Научете го вашето дете дека треба да им помагаме на другите секој ден, не само за време на празниците. Охрабрете го вашето дете да прави мало добро дело барем еднаш неделно, без разлика дали тоа е помагање на пријател или сосед да ги исчисти паднатите лисја или нешто друго. Со фокусирање на другите, детето ќе научи што значи да се биде благодарен.

Бидете доследни околу времето за спиење

Истражувањата докажале дека 7-годишните деца кои немаат одредено време за спиење имаат повеќе проблеми во однесувањето од оние кои легнуваат секоја вечер во исто време.

Нека чита што сака

Децата кои читаат за свое задоволство развиваат многу поширок поглед на светот и се многу подобри не само во социјалните, туку и во природните теми. Оставете го детето да чита што сака во слободното време – најважно е да стекне навика за читање.

Не му давајте пари на вашето дете кога ја чисти својата соба

Ако го наградите вашето дете со некој денар кога ќе го среди креветот, ќе очекува пари секогаш кога ќе побарате да направи нешто или да ви помогне во домашните работи. Можете да му давате на вашето дете месечен џепарлак за да научи да управува со парите правилно и за севкупното добро однесување.

Научете го на храброст

Дали сакате самоуверено дете? Нека научи од вашиот пример за мали, здрави ризици во животот. На пример, одете сами во кино, а потоа објаснете му на детето зошто тоа не е нешто што треба да го натера да се чувствува непријатно (многу возрасни не сакаат да одат сами во кино затоа што им е непријатно). Или, дозволете му на вашето дете да ве види како се смеете кога ќе сфатите дека сте ја носеле маицата наопаку цело утро, наместо да се срамите.

Не гответе посебни оброци за детето

Детето мора да научи да го јаде тоа што го јадат неговите родители. Не мора да јаде се што сте подготвиле за ручек, туку треба да ги избере оние намирници кои ќе му обезбедат хранливи материи. Многу е поважно сè што ќе јаде детето во текот на денот или неделата, отколку еден избалансиран оброк.

Бидете особено внимателни кога ќе наполни 14 години

На таа возраст, влијанието на врсниците почнува да слабее и детето почнува да размислува со своја глава наместо само да го следи „лидерот“. Ако сакате вашето дете да почне да размислува со своја глава што е можно поскоро, поттикнувајте разговори за неговите пријатели што е можно почесто (прашајте го, на пример, што има ново со неговите пријатели), за да знаете со кого се дружи.

Победете ги вашите стравови со здрав разум

Ако детето се плаши од куче, не го носете на другата страна на улицата кога кучето доаѓа кон вас. Демистифицирајте го стравот. Кажете „Види, кутре! Да го прашаме сопственикот дали можеме да го погалиме и да почувствуваме колку е меко неговото крзно. Кога детето оди на земање крв, на пример, бидете сочувствителни, но не премногу емотивни. Кажете: „Сè е во ред. Ќе биде готово за неколку минути“, наместо „Знам, боли!“

За да му кажете да биде потивко, спуштете го гласот наместо да го кревате

На овој начин детето ќе се фокусира на она што му го кажувате. Можете исто така да го направите проблемот забавен. „Ако сакаш да слушне што ќе правиме сега, скокај на едната нога“. Оваа игра ќе им се допадне на најмладите.

Прво пазете на себе, а потоа на детето

Ако сакате да бидете најдобриот можен родител, прво мора да се грижите за себе. Родителите кои се лишуваат од одмор, храна и забава заради своите деца, всушност никому не прават добро. Многу родители се чувствуваат виновни затоа што работат многу и сакаат целото слободно време да им го посветат на своите деца. Но, таквото однесување често резултира со емоционална и физичка исцрпеност. Одвојувањето време за себе е многу важно, дури и ако тоа се само 15 минути релаксирачка, топла бања.

Повеќе