Разговор со децата за секс, менструација и слични теми: Зошто ни е толку непријатно и што треба да им кажеме?

Зборувањето за секс, менструација, сексуално преносливи болести и за тоа од каде доаѓаат бебињата е една од најтешките задачи за повеќето родители денес.

И тоа, порадо една (или две) едноставни причини – затоа што од мали нозе нè учеле дека е тоа „срамота“, дека се тоа теми за кои не треба да се разговара и пред сè, затоа што никој не разговарал со нас за тоа, како што треба.

Еден од најпочитуваните психолози денес, д-р Беки Кенеди, ги советува родителите како да најдат сила и слобода да разговараат на овие теми со своите деца и како да им ги прикажат на децата.

Нашиот народ има уште еден не многу рационален страв.

А тоа е дека, зборувајќи за тоа, ќе ги потурнат децата на експериментирање и ќе ги поттикнат да станат сексуално активни пред време.

Сепак, истражувањата покажуваат дека, токму поради тоа што темата секс им е достапна како на послужавник преку социјалните мрежи и медиумите, додека од друга страна за тоа не се зборува многу во семејствата – децата влегуваат во својата прва врска исклучително рано, најчесто на возраст од 14 години (повеќе од 40% од испитаниците).

Д-р Беки Кенеди затоа советува дека пред мора да имаме отворена комуникација со децата.

Ова се три клучни работи што родителите треба да ги знаат.

Информациите нема да ги шокираат децата

Она што ги плаши и им се заканува е всушност НЕинформираноста.

„Кога не знаеме или не можеме да разговараме со децата за нешто, тие почнуваат да веруваат дека тоа е нешто погрешно, лошо. Како резултат на тоа и самите не можат да се снајдат околу овие теми и да се чувствуваат доволно силно“, вели д-р Кенеди.

Започнете го разговорот со тоа што искрено ќе им кажете дека не ви е пријатно

Ако ви е навистина непријатно затоа што вашето дете ви поставило прашање или сака да разговара за нешто, можете да кажете: „Секако, можеме да зборуваме за секс“.

Да, ќе ти кажам што е менструација. Само да знаеш, ако ти се причини дека сум збунета или не сум целосно опуштена, тоа не е затоа што си прашал/прашала нешто погрешно, ниту дека темава е лоша.

Тоа е затоа што никој не разговарал со мене за ова.

Имајте на ум дека не мора да одговорите веднаш на сите прашања

Можете да разговарате за сите овие теми повеќе пати.

Тоа е уште подобро отколку да се обидувате да им објасните сè одеднаш.

Споделете неколку важни информации, направете пауза и кажете им дека можете да продолжите подоцна или некој друг ден ако сакаат.

Дека ќе зборувате за тоа толку пати колку што ќе сакаат затоа што е важна тема.

Да, со нас главно, не разговараа за тоа.

И да, многумина од нас некако се снајдоа.

Но, начинот на кој денес им се презентира сексуалноста на децата, фактот што темата за сексот е присутна насекаде и што е банализирана и сведена само на физички однос на двајца луѓе, значи дека имаме многу поголема одговорност отколку што имаа нашите родители – да разговараме со децата, да ги едуцираме, да не ги срамиме, да одговориме на сè што ги интересира.

Затоа што ако не го направиме тоа ние, ќе го направи интернетот, општеството, сомнителните ликови кои денес се поставени како пример за младите луѓе. Сигурно не го сакате тоа.