Родителска навика која може да ги претвори децата во нарциси

Студија од 2018 година покажала дека една родителска навика може да поттикне нарцисоидно однесување кај децата, а станува збор за фалењето. Станува збор за случај кога родителите ги фалат своите деца споредувајќи ги со другите, сугерирајќи дека се посупериорни.

1.635

Родителството не е лесно, а воспитувањето емоционално стабилни деца може да биде напорно.

Родителите се често под стрес поради грешките затоа што сакаат да одгледаат среќни и добри деца. Грешките се нормални, но доколку родителите не се свесни за нив, тие можат значително да влијаат на развојот на децата.

Еден од најлошите резултати што повеќето родители можат да ги замислат е нивните деца да станат нарциси.

Студија од 2018 година покажала дека една родителска навика може да поттикне нарцисоидно однесување кај децата, а станува збор за фалењето.

Меѓутоа, психологот Лиза Каплин тврди дека повеќето луѓе погрешно ги толкуваат резултатите од тоа истражување.

„Мајки и татковци, од клучно значење е да се забележи она што го кажа првичното истражување – само пофалбите не се проблем.

Значи, проблемот настанува кога родителите ги фалат своите деца споредувајќи ги со другите, сугерирајќи дека се посупериорни.

Да се фалат своите деца не е лошо, проблемот е да ги фалите додека ги критикувате другите“, објаснила таа за YourTango.

Тој додава дека нарцисоидното однесување кај децата не е само егоцентричност, туку и изразена себичност.

„Нарцисоидните возрасни луѓе имаат проблеми во врските, често се несочувствителни родители и генерално се незадоволни. Верувајте ми, не сакате да одгледувате нарцисоидни деца”, вели психологот.

За среќа, со помош на два совети, родителите можат да ги фалат своите деца без да ги претворат во нарциси, вели Каплин. Еве кои совети таа ги истакна.

Никогаш не ги споредувајте своите деца со никого

„Признајте ги вашите деца такви какви што се, без да ги споредувате со другите.

Ако направиле нешто лошо, кажете го тоа, но не го кажувајте споредувајќи ги со некој друг – на пример, брат или сестра, сосед, соученик итн“, советува психологот.

Фокусирајте се на позитивните особини, а не на достигнувањата
Достигнувањата на децата се минливи, но нивната љубезност и добар карактер, доколку се негуваат, најверојатно ќе останат со нив до крајот на нивниот живот, тврди Каплин.

„Пофалете ги децата кога покажуваат посветеност, одлична работна етика, сочувство, услужливост и слично.

Во ред е повремено да ги фалите нивните достигнувања, но ограничете ја зачестеноста и интензитетот кога го правите тоа“, заклучила таа.

Повеќе