Вашето дете ве фатило на секс: Како да реагирате во зависност од неговата возраст

Ако имате деца, а не се откажувате од сексуалниот живот, сигурно барем еднаш сте биле во ситуација кога детето ве фатило речиси на дело. Клучниот збор е речиси. Како да се реагира ако тоа се случи?

170

Дали ги користите можностите додека детето спие, гледа цртани, игра или учи во неговата соба? Но, што ако се разбуди, ако му здодее или треба итно да ве праша нешто? Дознајте како реагираат децата од различна возраст кога нивните родители ќе бидат фатени на дело и што можете да направите.

Важно е како ќе се поставите и како ќе му објасните на детето што се случува. Но, пред да кажете нешто, проценете што точно слушнало, видело детето и дали воопшто го интересира што се случило.
„Наместо да врескате, избезумено да барате облека или да трчате во тоалет, останете смирени. Така нема да го исплашите детето со вашите непромислени реакции. Прашајте го мирно дали му треба нешто или кажете му дека на мама и тато им треба малку време за себе и дека не треба да се плаши. Ова многу ќе помогне во спречувањето на стравот и анксиозноста кај детето“, советува клиничкиот психолог Аза Браун на portaluessentialmums.co.nz. Точните одговори зависат и од возраста на детето.

Бебе: Не грижете се ако е во собата

Многу семејства спијат во кревет заедно со бебињата или креветчето на бебето е во иста просторија. Психотерапевтката Џенифер Напарстек Клајн за cnn.com вели: „Нема ништо штетно во тоа родителите да искажуваат љубов во близина на бебињата додека тие спијат или се зафатени со други работи. Бебињата не можат да разберат што прават родителите, па затоа не им е ни важно ..”

Возраст во градинка: Малите деца може да се исплашат

Помалите деца може да се исплашат поради звуците што ги слушнале, па треба да ги уверите дека се е во ред. Не ги лажете, објаснете им дека мама и тато се прегрнале на посебен начин, како што се гушкаат само возрасните кои се вљубени. Кажете дека никој не е повреден и останете само на тоа, ако детето нема повеќе прашања.

Основци: Децата на таа возраст се љубопитни

Децата на оваа возраст се љубопитни, ги интересира сексот, но во исто време не сакаат да зборуваат на таа тема. Психологот Аза Браун вели дека момчињата веќе од 10 години се изложени на порнографија. Според студиите, ако детето ги фати родителите на дело, тоа нема да ја разбуди неговата љубопитност колку што е изложувањето на телевизија и медиуми каде што може да види таква содржина. Оваа возраст можеби е вистинското време да го научите вашето дете да ги почитува границите и приватноста на другите луѓе. Што веројатно ќе го заклучи и самото после вакво искуство.

Тинејџери: Ќе претпочитаат да го игнорираат настанот

Општото чувство што се јавува кај тинејџерите во оваа ситуација е гадење. Тие се чувствуваат чудно од самата помисла дека нивните родители имаат секс, а кога ќе бидат сведоци на тоа, претпочитаат да го игнорираат настанот. Родителите мора јасно да објаснат дека сексот е нормална работа што се случува меѓу паровите и дека нема причина да се гадат. Исто така, станува идеална можност да разговарате за контрацепција и безбеден секс со вашиот тинејџер

Повеќе