8 работи што една жена може да ги направи за да го заштити своето здравје

Рак на дојка. Самото спомнување на овие зборови предизвикува морници, а работите да бидат уште полоши, секој од нас познава жена која се разболела. Октомври е месец на борба против ракот на дојка и е уште една можност да се потсетиме на превенцијата, т.е. колку е важно навреме да размислувате за вашето здравје. А одредени чекори можат да го намалат ризикот од рак на дојка и да го зачуваат здравјето на жената.

Контролирајте ја вашата тежина
Различни стручњаци постојано повторуваат колку е важно да се контролира телесната тежина, но се чини дека сите сме ги прогуглале тие совети. И дебелината, т.е. прекумерната тежина може да го зголеми ризикот од многу видови на рак, вклучително и рак на дојка, особено по менопаузата.

Бидете физички активни
Редовното вежбање е една од најдобрите работи за вашето здравје. Го подига расположението и енергијата, помага во одржување на нормална телесна тежина, го намалува ризикот од многу сериозни болести, вклучително и рак на дојка. Секоја физичка активност е подобра од никаква, но идеално е да одвоите најмалку 30 минути дневно за вежбање.

Јадете овошје и зеленчук и ограничете го алкохолот
Здравата исхрана може да помогне да се намали ризикот од рак на дојка. Обидете се да јадете многу овошје и зеленчук и ограничете го алкохолот. Дури и мала количина на алкохол може да го зголеми ризикот од рак на дојка, а кога ќе ги земете предвид другите негови ризици, најдобро е воопшто да не пиете.

Не пушете
Покрај многу други здравствени ризици, пушењето предизвикува најмалку 15 различни видови на рак – вклучувајќи го и ракот на дојката. Ако пушите, обидете се да престанете што е можно поскоро. И колку побрзо ја донесете таа одлука, толку помалку вашето тело ќе има ризик од болест. Најдобро е да побарате помош од експерт доколку е потребно.

Дојте, ако е можно
Доењето една година или повеќе го намалува ризикот од рак на дојка. Исто така, има големи здравствени придобивки за детето. За правилни информации и поддршка за доењето, контактирајте со вашиот педијатар или гинеколог, болнички или локални здравствени оддели.

Избегнувајте апчиња за контрацепција
Апчињата за контрацепција носат и ризици и придобивки. Колку е помлада жената, толку се помали ризиците. Но, додека жените земаат апчиња за контрацепција, тие имаат малку поголем ризик од рак на дојка. Овој ризик брзо исчезнува по прекинот на пилулата.

Ризикот од мозочен и срцев удар, исто така, се зголемува додека земате пилули – особено ако сте истовремено и пушач. Меѓутоа, исто така, долготрајната употреба може да има и важни придобивки, како што е намалување на ризикот од рак на јајниците, дебелото црево и матката. Значи, многу оди во прилог на овие таблети. Но, ако имате над 35 години и пушите, обрнете посебно внимание и консултирајте се со специјалист пред да земете апчиња за контрацепција, напоменуваат на веб-страницата на Siteman Cancer Center.

Избегнувајте хормонска терапија за менопауза
Хормоналната терапија во менопаузата не треба да се зема долгорочно за да се спречат хронични заболувања. Истражувањата покажуваат дека има двоен ефект врз здравјето – го зголемува ризикот од некои болести, а го намалува ризикот од други. И естрогенската терапија и естрогенската терапија со прогестерон го зголемуваат ризикот од рак на дојка. Ако жените земаат хормонска терапија во менопауза, таа треба да биде што е можно пократка. Најдобро е, се разбира, да разговарате за ризиците и придобивките со вашиот лекар.