И мажите можат да бидат во менопауза

Типичното однесување вклучува лутина, нетрпение, сарказам, вознемиреност, напнатост, склоност кон расправање, дефанзивност и повлекување во себе.

34

Синдромот на раздразливост кај мажите, познат и како машка менопауза, е поврзан со хормонални промени, стрес и биохемиски дисбаланси. Најчесто е придружен со лутина, фрустрација, депресија и агресија.

Причината најчесто е пад на тестостеронот и зголемено ниво на кортизол за време на андропаузата. Во ова време, многу мажи ги потиснуваат емоциите, што ги прави намќорести и негативно влијае на нивното здравје.

Типичното однесување вклучува лутина, нетрпение, сарказам, вознемиреност, напнатост, склоност кон расправање, дефанзивност и повлекување во себе. Експертите велат дека IMS (Irritable Male Syndrome и машката менопауза опишуваат слични состојби кај мажите, карактеризирани со емоционални и психолошки симптоми како раздразливост, промени во расположението, замор и депресија), можат да бидат и последица на зголемено ниво на естроген, што се јавува кога се произведува повеќе естроген отколку тестостерон во масните клетки.

Пад на тестостеронот

На овој начин, дебелината дополнително го влошува проблемот.

– Високите нивоа на кортизол предизвикуваат пониски нивоа на тестостерон, што го зголемува ризикот од промени во расположението кај мажите, истакнуваат лекарите. IMS е исто така поврзан и со некои лекови кои го нарушуваат хормоналниот баланс.

Симптомите вклучуваат намален сексуален нагон, еректилна дисфункција, несоница и замор. Физичките знаци вклучуваат губење на мускулна маса, проретчување на косата и помала густина на коските. Емоционалните симптоми вклучуваат депресија, губење на концентрација, ниска самодоверба и недостаток на мотивација.

Како се поставува дијагнозата?

Дијагнозата се поставува со проверка на нивото на тестостерон, особено кај мажи над 50 години кои покажуваат знаци на ненадејни промени во расположението.

Лекувањето најчесто се базира на хормонска заменска терапија со тестостерон, но носи ризик од несакани ефекти како што се зголемена агресија и оптоварување на срцето.

– Повеќето несакани ефекти може да се контролираат ако побарате медицинска помош на време, нагласуваат експертите.

Здравиот начин на живот, исто така, игра клучна улога. Редовното вежбање, здравата исхрана со помалку масти и преработена храна, ограничениот внес на алкохол и доволното спиење помагаат во одржувањето на хормоналниот баланс. Психотерапијата може дополнително да го олесни справувањето со промените во расположението и личноста.

Повеќе