Епохално откритие на кинески лекари: Ефикасен метод за ублажување на постпородилна депресија

Тим кинески лекари и научници заклучиле дека пренаталните вежби, особено танцувањето, можат да помогнат во ублажување на постпородилната депресија.
Меѓу различните видови вежбање, танцувањето имало најголем ефект – велат истражувачите. Сепак, советот е да не танцувате сами. Истражувачите откриле дека пренаталните групни или тимски вежби се исто така ефикасни за ублажување на менталниот стрес кај новите мајки.

Состојбата на постпородилна депресија може да претставува „значајна закана за јавното здравје“, велат истражувачите, проценувајќи дека 90 отсто од заболените не примаат лекови за постпородилна депресија, која, иако проценките варираат од земја до земја, може да влијае на до шест од десет жени по породувањето.

Три или четири вежби неделно по породувањето, вкупно до 150 минути, се чини дека се вистинскиот начин да се спречи ова, сугерираат истражувачите, со препорачани умерени нивоа на интензитет.