Изливите на бес кај децата се вообичаени ситуации со кои се соочуваат многу родители. Понекогаш е лесно да се смират децата, а понекогаш тоа се чини како невозможна мисија.
Сепак, психологот Џефри Бернштајн тврди дека само една реченица од четири збора може да направи голема разлика и да го смири детето.
Како таква реченица Бернштајн го издвоил изразот „Гледам дека се мачиш“ за Psychology Today, за кој тврди дека на детето му ја дава потребната поддршка во чувствителна ситуација.
„Децата кои се чувствуваат разбрани имаат поголема веројатност да се смират и да се однесуваат помалку пркосно во иднина. Смирените одговори можат да ги преобликуваат реакциите на детето, правејќи ги изливите на гнев поретки и понеинтензивни”, тврди психологот.
Иако може да изгледа нелогично да се користат толку едноставни зборови кога беснеат емоциите, тие носат препознавање на болката и фрустрацијата, честопати клучни за смирување на интензитетот.
Тој верува дека овој пристап за смирување на детето во моменти на силни емоции се заснова на „принципи кои поттикнуваат нежни и одговори кои содржат разбирање за да се ублажи пркосното однесување“.
Психологот споделил и совети како да ги искористите овие зборови за да ги направите навистина ефективни.
Контролирајте ги вашите емоции
Кога детето ќе доживее излив на бес, инстинктот на родителите може да биде да реагира со фрустрација. Но, да земете здив на момент пред да му кажете нешто на вашето дете може да направи голема разлика. Кога моделирате смиреност, му помагате и на детето да се смири. Запомнете, децата бараат знаци од вас. Поголема е веројатноста да го следат вашиот пример ако покажете смиреност.
Кажете им ги овие четири збора и направете пауза
„Откако ќе кажете: „Гледам дека се мачиш“, застанете и дајте му на вашето дете момент да дозволи зборовите да дојдат до него.
Целта не е веднаш да ја решите ситуацијата, туку да покажете дека сте спремни да бидете тука за него во неговата борба, без притискање да се чувствува подобро веднаш“, вели психологот за Psychology Today.
Кај изливите на гнев е често потребно време за да се смират, а паузирањето дава простор за безбедно развивање на емоциите на детето.
Обезбедување емпатија наместо решение
Додека кажувате „Гледам дека се мачиш“ му давате поддршка на вашето дете, додавањето фрази со емпатија може да му помогне да се чувствува како да го разбирате.
На пример, можете да му кажете: „Ова сега ти изгледа тешко и тоа е во ред“.
Психологот тврди дека овој пристап е особено ефикасен кај постарите деца кои се чувствуваат позрело и ценат кога родителите ги сфаќаат сериозно.
Емпатијата го уверува детето дека не е во неволја поради тоа како се чувствува, што е клучно за градење доверба. Децата кои се чувствуваат признати имаат поголема веројатност да се смират и да се впуштат во помалку пркосно однесување во иднина, пренесува Psychology Today.
Поттикнете разговор по изливот на бес
„Откако ќе помине бесот, нежно поттикнете го детето да зборува за своето искуство доколку е подготвено“, советува психологот.
За помалите деца тоа може да биде едноставно како да ги прашате: „Дали сакаш да ми кажеш зошто ти беше тешко?“.
Додека за постарите деца можете да кажете: „Кога повторно ќе се чувствуваш така, има ли нешто што можам да направам за да ти помогнам?“
Кога вие како родители им дозволувате да размислуваат по изливот на гнев, им покажувате дека е безбедно да се изразат, дури и по силни емоции.
Важно е да се биде доследен
Користењето на фразата „Гледам дека се мачиш“ доследно помага да се зајакне пораката дека сте на страната на вашето дете.
Колку почесто ја слушаат, толку е поголема веројатноста да веруваат во тоа, дури и кога се чувствуваат надвор од контрола.
„Преку мојата работа видов колку конзистентните, смирени одговори можат да ги преобликуваат реакциите на детето, правејќи ги лутењата поретки и понеинтензивни“, заклучува психологот.