Германски град забрани месо во градинките и основните училишта

Педијатарот Џен Трахтенберг смета дека вистинската вегетаријанска и веганска исхрана може да ги задоволи сите потреби на детето, но под еден услов: „Треба да биде добро осмислена и надгледувана од педијатар или регистриран диететичар“.

180

Од 11 септември децата во градинките и основните училишта во Фрајбург, Германија повеќе нема да јадат шпагети болоњезе, стек и каривурст. Наместо тоа, секој ќе добие исклучиво веганска храна.

Одлуката за забрана на месото во градинките и училиштата ја донесе локалниот совет на Фрајбург во октомври минатата година. Мнозинството политичари од Зелената левица (Grün links) гласаа за забрана на месото бидејќи, како што утврдиле, исхраната без месо е поздрава. Децата сега мора да се прилагодат на новиот начин на исхрана, бидејќи градинките и основните училишта имаат само стандардно вегетаријанско мени, пишува списанието Fenix.

Според локалните медиуми, одлуката предизвикала бројни критики од родителите кои се прашуваат колку е добра исхраната без месо за растење и развој на децата.

Дали е безбедно да се одгледува дете како веган или вегетаријанец?
Експертите велат дека е важно родителите да препознаат дека децата имаат различни нутритивни потреби од возрасните. Децата вегетаријанци и вегани понекогаш имаат пониски нивоа на витамин Б12 (кој ги одржува здрави крвта и нервните клетки на една личност), калциум (кој гради и одржува силни коски), витамин Д (кој му помага на телото да апсорбира калциум), железо (кој ги создава хемоглобинот и миоглобинот) и цинк (кој го поддржува имунолошкиот систем и му е потребен на телото за производство на протеини и ДНК).

Сепак, ниту една од овие хранливи материи не е специфична за месото или животинските производи. Витаминот Б12 може да се најде во јајцата, млечните производи и производите збогатени со витамин Б12, како што се млекото од соја или хранливиот квасец. Калциумот и железото може да се најдат во гравот. Витаминот Д може да се најде во јајцата и храната збогатена со витамин Д (вклучувајќи житарки, сок од портокал и млеко од соја). Цинкот се наоѓа во тофу, во мешунките и јаткастите плодови.

Педијатарот Џен Трахтенберг смета дека вистинската вегетаријанска и веганска исхрана може да ги задоволи сите потреби на детето, но под еден услов: „Треба да биде добро осмислена и надгледувана од педијатар или регистриран диететичар“.

Повеќе