Да се биде самохран татко на тинејџерка може да биде голем предизвик. Животот со тинејџерите може да биде стресен, а понекогаш и исцрпувачки, а кога се во прашање промените во телото и менструацијата, на многу татковци им е потребна помош и советување.
По многу прашања од самохрани татковци за тоа како да разговараат со своите ќерки за менструацијата, брендот ИНТИМИНА спровел истражување на 1.258 татковци со ќерки на возраст од 10-15 години во Англија, САД, Франција, Италија и Шпанија. Целта на истражувањето било да се открие колку татковците знаат за менструалниот циклус и колку им е пријатно да разговараат за тоа со своите ќерки.
Иако резултатите се охрабрувачки, на многу татковци им е потребна мала помош и дополнителна едукација за разговор за менструацијата.
Според истражувањето на брендот INTIMINA, 78% од татковците разговарале за менструалниот циклус со своите ќерки. Од друга страна, 22% воопшто не разговарале со своите ќерки за менструацијата.
80% од испитаниците веруваат дека одговорност на мајката е да ја научи својата ќерка за менструалниот циклус. Сепак, 44% сметаат дека одговорноста е на таткото. 25% од татковците сметаат дека тоа е одговорност на докторот, 19% дека тоа е работа на наставникот, а 13% сметаат дека е одговорност на ќерката да научи за менструацијата и менструалниот циклус.
Кога станува збор за знаење за менструалниот циклус, 72% од татковците веруваат дека е нивна одговорност да знаат за менструалниот циклус на нивните ќерки. Дополнително, 70% сметаат дека знаат доволно за менструалниот циклус за да можат да ѝ го објаснат на својата ќерка. Изненадувачки, 64% од татковците тврдат дека можат самоуверено да го објаснат менструалниот циклус, додека 58% сметаат дека им е потребна дополнителна едукација на оваа тема.
Но, не на сите татковци им е пријатно да зборуваат за менструацијата. Истражувањата покажуваат дека голем процент од татковците сметаат дека менструалниот циклус е непријатна тема за разговор со нивните ќерки: 63% во САД, 57% во Велика Британија, 44% во Франција, 38% во Шпанија и 34% во Италија.
Менструацијата е чувствителна тема и за татковците и за нивните ќерки. Започнувањето на вакви разговори не е лесно кога тинејџерките минуваат низ разни хормонални и физички промени. На прашањето кој има најголема веројатност прв да ја отвори темата за менструалниот циклус, 43% од татковците одговориле дека тоа би го направиле тие, 39% дека би го направила нивната ќерка и 17% дека ниту едниот ниту другиот.
Не е невообичаено татковците да купуваат менструални производи за своите ќерки. Додека 60% купуваат хигиенски влошки, 30% тампони, 22% менструални гаќички и 15% менструални чаши, 16% од анкетираните татковци не купуваат менструални материјали за своите ќерки.
Повеќето татковци се чувствуваат пријатно да разговараат со своите ќерки за менструацијата (64%). Сепак, 14% од татковците се чувствувале непријатно и објасниле зошто: 53% сметаат дека разговорот е незгоден, 39% мислат дека тоа е чувствителна тема, а 34% се плашат дека нивната ќерка ќе ги праша нешто на што не го знаат одговорот, 32% се загрижени дека ќе кажат нешто погрешно, 32% не знаат доволно за темата, а 21% не можат да се поистоветат со темата.
Интересно е тоа што повеќето татковци разговараат со своите ќерки за менструалниот циклус на каучот во дневната соба (35%) или во собата на ќерката (19%). 10% зборуваат за менструацијата на маса, а другите 10% зборуваат за тоа додека се на прошетка.
На прашањето каде да се најдат повеќе информации и да научат за менструалниот циклус, мнозинството од анкетираните татковци во секоја земја одговориле – со женски членови на семејството: 61% Велика Британија, 64% САД, 55% Италија, 40% Франција, 52% Шпанија.
Другите татковци бараат информации во едукативни написи (34%), од пријатели (31%) или читаат едукативни книги (27%), гледаат едукативни видеа на YouTube (26%) и читаат едукативни материјали на социјалните мрежи (17%). Помал процент од испитаниците (7%) би се свртеле кон машки пријатели или машки членови на семејството.
Времињата се менуваат.
Истражувањето на брендот ИНТИМИНА покажува дека менструацијата повеќе не е табу тема. Охрабрувачки е што повеќето татковци и самохрани татковци сфаќаат дека треба да ги знаат фактите за менструалниот циклус за да покажат поддршка и љубов кон своите ќерки додека минуваат низ чувствителниот период на пубертет.