Џесика ДеЛоуч го сподели на ТикТок своето искуство со крлежот што го нашла во увото на нејзината ќерка. Додека го капела малото девојче забележала нешто црно во нејзиното уво. Мислела дека девојчето ставило нешто во увото.
„Таа си го чешаше увото, па се јавив кај докторот кој ми рече веднаш да ја донесам“, пишува таа.
Лекарот веднаш сфатил дека се работи за крлеж.
„Процесот на отстранување беше доста трауматичен. Морав да ја држам ќерка ми колку што е можно помирна додека докторот со пинцета го извади крлежот од неа. Две медицински сестри дојдоа на помош и ги држаа рацете и нозете на ќерка ми за да не го удри доктор“, додава ДеЛоуч.
Кога крлежот конечно бил отстранет, на девојчето му биле дадени капки со антибиотици.
„Задолжително проверете ги ушите на вашите деца откако си играат надвор. Крлежите можат да се пикнат насекаде“, предупреди таа.
ДеЛоуч вели дека го објавила видеото, кое има повеќе од 2 милиони прегледи, како предупредување до другите родители.
Крлежите пренесуваат неколку болести кои мора да се лекуваат за да се избегне тешка клиничка слика.