Во Берлин има итна служба за бебиња кои плачат: им нуди помош на исцрпените родители

Освен во Германија, услугата Schreibaby Ambulance, што во превод значи Амбуланта за плачливи бебиња, е достапна и во Австрија, Швајцарија и Луксембург. Целта е на новите мајки да им се понуди кризна поддршка во моментите на очај, страв и исцрпеност

84

Откако Дара Филдс објави на Твитер дека во Берлин постои услуга на итна служба за бебиња кои плачат, не е тешко да се види зошто многумина се љубоморни на жителите на германската престолнина.

„Во Берлин постои амбуланта за расплакани бебиња. Ако вашето бебе плаче премногу, а вие сте исцрпени, доаѓаат кај вас, ја проверуваат вашата емоционална состојба и ви даваат совети“, напишала Филдс и собрала 12 илјади лајкови.

Освен во Германија, услугата Schreibaby Ambulance, што во превод значи Амбуланта за плачливи бебиња, е достапна и во Австрија, Швајцарија и Луксембург. Целта е на новите мајки да им се понуди кризна поддршка во моментите на очај, страв и исцрпеност што тие често ги чувствуваат додека го балансираат сопственото физичко закрепнување со новороденчето што плаче.

Кога ќе пристигне брзата помош за расплакани бебиња, на родителите им се нуди да се дистанцираат, како и да научат нови и иновативни начини да се грижат за единствените потреби на своето бебе.
Оваа услуга може да ја користат родители на деца до 3 години. Помош нудат и социјалните работници, наставниците и психолозите, кои советуваат за спиење, исхрана и однесување и сѐ друго што може да го зголеми стресот и исцрпеноста кај родителите на малите деца.

Според Американската психолошка асоцијација (АПА), една од седум жени доживува постпородилна депресија, а студијата од јули 2022 година објавена во Journal of Psychiatric Research, покажува дека стапките значително се зголемиле од почетокот на пандемијата на коронавирус.

Студијата од 2019 година, објавена во списанието Academic Pediatrics, покажала дека за жените кои имаат немирни бебиња е двојно поголема веројатноста дека ќе имаат умерени до тешки симптоми на депресија.

Повеќе