Забранет влез во кино за тинејџери во костуми (ВИДЕО)

Неколку британски кина им забранија влез на тинејџери кои носат костуми . Станува збор за тренд кој започнал со пристигнувањето на филмот Мињони 2: Како Гру стана Гру, но причината за ова не се костумите, ниту внесувањето храна што не е купена таму, туку бунтовното однесување на некои групи.

62

Тинејџери во костуми доаѓаат да го видат филмот Мињони, а некои од кината им забрануваат влез и наметнуваат правила.
Овој тренд започна со пристигнувањето на филмот Мињони 2: Како Гру стана Гру. Групи млади се облекуваат елегантно, купуваат банани (која е омилената храна на Мињоните) и одат во кино да го гледаат новиот анимиран филм.

Трендот на името Gentleminions почна да се развива и младите ги споделуваат своите видеа на TikTok. Едно видео прикажува десетина тинејџери облечени во костуми како купуваат банани пред да одат во кино, а има околу четири милиони прегледи и половина милион лајкови.
Но, киното било вознемирено од трендот, но не поради костумите, ниту поради внесувањето храна што не е купена во нивните простории, туку поради бунтовното однесување на некои групи.

Некои видеа на TikTok прикажуваат млади луѓе како плескаат и викаат среде филмот и им пречат на другите додека го гледаат. Затоа некои кина наметнаа правила и почнаа да им забрануваат влез на оние кои не ги почитуваат.

„Поради неколку инциденти во нашите кина моравме да го ограничиме пристапот за посетителите во некои околности“, рекол портпаролот на киното Одеон.

Киното Vue во Ворчестер изгубило 1.300 фунти откако било принудено да им ги врати парите на посетителите поради „младите што викаат и ги имитираат Мињоните среде филм“, објави Ворчестер њуз.

Но, Universal Pictures го отфрли овој тренд објавувајќи на Твитер: „До сите што се појавуваат во костуми: Ве гледаме и ве сакаме“.

Повеќе