За децата без емпатија и за родителите: Учете ги младите на добрина, светот зависи од тоа

Училиштето не е за децата да научат математика и физика, туку за да развиеме комплетна личност, способна да мисли, да поврзува, да помага.

230

Д-р Ранко Рајовиќ, специјалист по интерна медицина, магистер по неврофизиологија, автор на програмата NTC кој предава во различни делови на Европа и основач е на Менса во регионот, зборува за недостатокот на емпатија кај децата во подкастот „Agelast“, со српскиот автор и водител Галеб Никачевиќ.

„Кога имаат проблем со емпатијата, тие не се снаоѓаат. Реагираат поинаку, а ние се чудиме како немаат емпатија. Не, медицината не го опиша тоа, а ним делови од мозокот не им работат добро. Не поврзуваат информации, немаат чувство за други луѓе, само сетете се на Ерик Фром, а ќе завршам со Доситеј Обрадовиќ кој рече „Научете ги децата на добрина, светот зависи од тоа. Во ​превод, научете ги децата на емпатија, од тоа зависи иднината на државата, децата без емпатија се пропаст на државата. И ќе повторам, учете ја младината на добрина, сѐ зависи од тоа. И тоа е тоа“, вели Рајовиќ.

„Училиштето не е за тие да учат математика и физика, туку за да развиеме комплетна личност, способна да мисли, да поврзува, да помага. Некои ќе застранат кога ќе пораснат, па некои ќе забраздат во криминал, некои не знам каде, но ние сме ги развиле и сме издржале од 14 до 18 години. Но, ако сите застранат на 12 или 14 години, на што можеме да се надеваме. Нема многу такви деца, без емпатија. Но, екстремните примери почнуваат да се појавуваат и ги има сѐ повеќе, тоа е проблемот, дури и 3 или 4 проценти се многу. Тоа никогаш го немало. И ќе повторам, децата не се наш проблем, туку на родителите и мораме да им објасниме некои работи на родителите, па тие ќе им објаснат на децата. А ние не можеме да дојдеме до децата, родителите треба да си го направат својот дел, затоа се родители. И кој ја поставува границата на детето, родителите. Ако детето нема граница, дали знае само да си ја направи, не може. Ќе ги изгубиме децата. Тоа е суштината на таа приказна“, рече тој на крајот од разговорот.

Зборувајќи за темата за вештачката интелигенција, д-р Рајовиќ рече: „Ние не се снаоѓаме во дигиталниот свет ниту за 20 години, а не пак во рамките на вештачката интелигенција“.

Извор: MONDO/Agelast)

Повеќе